我杯茶 (永興樓)

营业中

休息中

收工之后仲有少少时间先上堂，就去左湾仔揾食医肚。因为唔想食得太饱饭气攻心搞到上堂训著觉，所以最后拣左哩间都算系出名嘅奶茶舖（其实开左好耐一直都想试但系又冇机会，今日终于试到喇😃）。舖头细细竟然都几多野食拣，主要以轻食为主，三文治/沙律之类，亦都有数量限定嘅面食。经柜台姐姐推介叫左嘅黯然销云叉蛋包，同埋叫左个冒住夜晚会训唔著觉都要叫嘅热奶茶。热奶茶首先就系够晒热（好似讲紧废话，但系我觉得奶茶要热辣辣，先至有啱啱冲出黎，好‘新鲜’嘅感觉）。奶茶非常之够茶味，仲可以话系超浓，但系浓得黎系完全唔涩嘅，奶味都OK嘅，中规中矩啦，杯奶茶未至于好滑，但系港式奶茶黎讲都系出色嘅👍🏼 由于个人对咖啡因比较敏感，夜晚饮茶/咖啡都系会训唔到觉，所以对于茶味太浓嘅奶茶系扣左少少分😅，个人系钟意奶香重啲嘅😛哩个包系超好食！蛋黄流晒出黎已经好正啦，个包系外脆内软㗎！！面包层皮又唔会太厚/太干，叉烧甜甜地，唔会太肥腻，如果唔系赶赶地时间我会想慢慢品尝多一阵，同埋哩个配搭系完全够饱，大满足😋😋😇坐吧台面壁食野嘅时候见到可以用QR code落单，都几方便～总括哩讲系食得几开心，坐吧台自己一个食野都好自在。期间听到有人外