金記客棧 (已結業)

星期六都要做，去数码港嘅贝沙湾交收完，但又要等另一单交收，唯有行去数码港医肚，咁去平时食开嘅餐厅，照直入揾位坐，坐低后侍应放下餐牌先发现餐厅转咗名，转咗做金记客栈，咁咪即系有几间金记冰室嘅金记？呢度餐牌仲叫美味秘笈，但其他装修好似无变，原来做室内设计师咁好揾，呃下呃下又一单。其实最后都无睇过餐牌，我见隔离枱食紧薯条，我又想食，咁叫咗鸡翼薯条，红豆冰，最后想睇餐牌几钱，原来餐牌无鸡翼薯条，张单打$34，红豆冰就$22。鸡翼薯条，鸡翼是用瑞士汁卤完才炸的，所以味道与普通炸鸡翼更入味香口，薯条又够脆口，几好食。红豆冰，红豆虽然够淋，仍好咬口，椰奶没有太甜，够冰冻。