芝樂坊餐廳

营业中

休息中

㖊日又早左放工，咁啱又喺尖沙咀𠮶头，就同同事去朝圣试吓 Cheesecake Factory。今日明明系星期二，我哋入咗餐厅以为今日系公众假期，呢个时段来讲算好多人，当然有啲系旅客啦⋯⋯因为夜晚约咗人食饭，所以我哋都唔敢叫太多嘢食，只系叫咗水牛城鸡翼同一件原味芝士蛋糕。水牛城鸡翼好多西餐厅都有，呢间整得几好，鸡翼解冻后要上粉（面粉、香料、调味料等等…），等佢半个钟至一个钟先可以拎去炸，炸完再用个水牛城汁去煮，所以最难系头几步，个粉沟得好唔好、上唔上得实、同埋入唔入味。上菜时间好快，食物够热，汁唔多唔少啱啱好上得晒每只鸡翼同鸡锤。仲有个蓝芝士酱，唔会太咸，谂起都流口水。其实我本身唔系太食芝士蛋糕，一来我唔好甜品同甜嘢，二来好多时整得好实，三来通常系食完一轮嘢先食甜品，我咁细食都食唔落……不过，当我食呢个蛋糕第一啖就吓左一跳！谂起以前食睇「伙头智多星」（透露咗自己年龄…）个味王食完好味嘅野会叮一声同飞来飞去个画面，真系好好食！芝士味好浓郁好有层次，质感好好软硬适中。终于明白点解咁多人嚟食……虽然餐厅收费唔算平，鸡翼都一百六十几蚊，但系量唔系少，建议大家人多少少，例如三至四人嚟食会比较化算同