影片
更多
2023-02-19
42 浏览
旺角砵兰街有间「沙田头火锅」，想必同「沙田头」呢个地方有关系，但肯定嘅系呢啲港式风味火锅店，贵精不贵多，汤底同食材都好有保证！呢间火锅店装修贴地，分上下两层，上层有私隐度高啲嘅厢房，下层摆放嘅长枱唔多，相对空间感大啲，又坐得舒服啲、自在啲！鸳鸯锅（原生椰子文昌鸡锅拼特制沙嗲汤锅）$208朋友钟意清淡啲嘅汤底，而我就钟意浓郁啲，拣鸳鸯汤底就可以满足两个人嘅愿望。原生椰子文昌鸡锅真材实料， 侍应姨姨会喺客人面前开椰子，将椰子水倒入锅中，半只文昌鸡另上，睇到有足半只鸡！鸡锅另外有粟米、海底椰、雪耳、杞子等塞爆成个煲，汤底滋润清甜！滚咗一阵之后，沙嗲汤底开始呈现金黄色泽，虽然入面系无料嘅，但系渌过嘅食物都好挂汤，渗出浓浓嘅沙嗲味！美国顶级牛小排（细）$238几欣赏呢个牛小排，首先师傅刀工好，牛肉切得片片都好均匀，望落色泽靓雪花多，而且油脂较丰富，渌几分钟食最好，软腍腍一啲都唔鞋，真心唔错！西班牙黑豚肉$148平时打边炉，我一向都系钟意食牛肉多过猪肉，因为牛肉口感更佳，不过呢个黑豚肉好新鲜，肉质鲜嫩，几弹牙，薄薄一片，更吸收汤汁精华！四宝丸$98食港式风味火锅，唔可以唔叫手打丸，因为自家制，一定
鸳鸯锅（原生椰子文昌鸡锅拼特制沙嗲汤锅）$208
朋友钟意清淡啲嘅汤底，而我就钟意浓郁啲，拣鸳鸯汤底就可以满足两个人嘅愿望。原生椰子文昌鸡锅真材实料， 侍应姨姨会喺客人面前开椰子，将椰子水倒入锅中，半只文昌鸡另上，睇到有足半只鸡！鸡锅另外有粟米、海底椰、雪耳、杞子等塞爆成个煲，汤底滋润清甜！滚咗一阵之后，沙嗲汤底开始呈现金黄色泽，虽然入面系无料嘅，但系渌过嘅食物都好挂汤，渗出浓浓嘅沙嗲味！
美国顶级牛小排（细）$238
几欣赏呢个牛小排，首先师傅刀工好，牛肉切得片片都好均匀，望落色泽靓雪花多，而且油脂较丰富，渌几分钟食最好，软腍腍一啲都唔鞋，真心唔错！
西班牙黑豚肉$148
平时打边炉，我一向都系钟意食牛肉多过猪肉，因为牛肉口感更佳，不过呢个黑豚肉好新鲜，肉质鲜嫩，几弹牙，薄薄一片，更吸收汤汁精华！
四宝丸$98
食港式风味火锅，唔可以唔叫手打丸，因为自家制，一定比出边食到嘅特别新鲜弹牙，价钱反映到质素！四宝丸有牛丸、猪肉丸、墨鱼丸、虾丸。自己最钟意虾丸，食得出一粒粒完整嘅虾粒，较有质感！
蜂巢豆腐$38
出面食嘅蜂巢豆腐，通常系一片片嘅，呢度系一条条嘅， 食落去比出边食到嘅软腍啲，食物本身都好索汤汁，好适合打边炉！
鸡脾菇$38
几肥厚大块，系个人打边炉最爱娃娃菜之外嘅蔬菜！
麻辣鸭血$78
原来有唔少熟食选择，鸭血麻辣味温和易入口，又食到辣椒、韭菜、香葱嘅香气！
忌廉$14
算系良心价，依家出边一般都收十几二十蚊！
酱料费$5一位，另收加一服务费
张贴
