夏雪 (已結業)

「夏雪」，听个名以为系甜品cafe，Menu上饮品食品种类齐全，好奇之下试了两款咸点配主打窝夫。「日式咖哩慢煮鸡胸」及「炖煮牛肋条」份量十足，配上另外调味的沙律菜，以及外脆内软嘅窝夫，质素有别普遍的Cafe食品。一问之下，原来呢度所有菜式都是店家自行研制。佢表示，唔想成为另一家堆砌肠仔煎蛋的全日早餐店，认为只有一手一脚煮出来，配合时令而转变食材的菜单，先至对得住客人及价钱。除咗食物，呢度嘅嘢饮当然唔可以忽视。「椰青Coldbrew」使用自家拼配豆，味道清香。Green Tea Sour系抹茶粉加柠檬汁及Tonic，酸酸甜甜茶味十足。店内装潢朴素，附近环境幽静，如果想度过一个写意嘅午后，相信呢度会系唔错嘅选择。希望下次可以来试埋佢地嘅鸡尾酒！