Donut Demo

营业中

休息中

位于观塘开联工业中心A座9楼，位置比较隐秘，店入面有靓靓打卡位，亦有位堂食。🍩Donut有十几款口味，全部即叫即整，落单后等十分钟左右，可用payme付款。我试左三款口味👇🏻⭐原味$25一打开纸盒就闻到好香嘅油炸味，表面洒左糖霜，咬落去口感烟韧，有啲似麻糬波波同煎堆，唔会好甜亦唔油腻，啱啱炸好嘅真好好味，忍唔住一啖接一啖。⭐玫瑰泰奶$35表面系玫瑰奶酱+玫瑰花瓣，玫瑰花香味浓郁，奶酱好甜，食到最后会有啲腻，适合配茶或咖啡。⭐开心果$38开心果酱唔甜，加左开心果碎增加口感，可能因为我先食偏甜嘅玫瑰泰奶，再食开心果所以觉得味道好淡。个人认为最好食系原味，新鲜出炉即刻食最正，另外两款冇太大惊喜，价钱嘅话偏贵。