古早味休閒台灣 (已結業)

之前试过系铜锣湾嘅古早味，大家都赞好，所以今日黎到旺角，依然选择番食古早味为午餐。 我拣咗古早味牛三宝汤面($75)，配小食3款+饮品。牛三宝有牛展、牛肚、牛筋，满足哂中意食牛嘅我，加上浓浓嘅汤底同弹牙嘅台湾面条。小食每日由厨师推介，今日系春卷、菜、瓜，估唔到春卷都咁脆口馅多！ 于是我地额外叫咗凤味虾网米春卷($26)，每件都有一只虾，非常鲜甜，而且皮薄，唔会好腻。我地亦都追加咗小食台式酱牛肉(只系需要+$18)，牛肉薄身，带少少麻辣，好开胃！饮品方面我点咗珍珠奶茶，依度嘅奶茶嘅茶味比较重，而且甜度适中，珍珠亦都好烟韧。最令人惊讶嘅系佢地嘅水果茶，依杯系红石榴水果茶($33)，估唔到水果好丰富，例如有草莓、青柠、橙、火龙果、椰果等等，果味浓香，消暑解渴一流。