影片
更多
2023-06-15
588 浏览
今日去尖沙咀揾食，去到厚褔街唔知食咩好，最后见到本阵，记得上次去佢好早就last order 咗，见今日7点几咁早，就行上去试吓入到餐厅已经坐咗3、4枱客，但我哋都叫做唔使等位，无卜都可以直接坐低坐低发现张枱有少少污糟，以佢人头定价要$500一个人黎计，张枱抹唔干净、无提供餐纸，得湿纸巾，坐低水都无一杯，我知你想客人叫嘢饮，但一般日本菜都会有杯热茶/冻水，佢真系要开口先有$50 服务费买唔到服务叫亲侍应都要叫好耐先有人应😮💨讲返食嘢方面。咁好快决定好叫咩我拣咗$489 嘅set，另外加咗日本猪腩肉、野菜盛り合わせ再加咗紫菜沙律、Kimchi同超幸福生蛋拌饭由牛肋肉同上牛扒食起，牛肋肉偏肥，烧耐少少等啲牛油逼哂出嚟先上牛扒就几腍，都够肥，入口都算几新鲜（左边上起 牛肋肉、上牛扒 右边上起 牛舌、鸡髀肉）之后到横隔膜，最难烧得熟、又容易烧过龙嘅部位但肉味够，厚度够，选择澳洲和牛又比日本和牛再浓味啲到牛扒，都算腍，同上牛扒最大嘅分别系腍度，其他分别唔算太大以口感黎讲，牛扒切得厚啲、口感实在啲左起：横膈膜、牛扒中间我哋穿插烧啲蔬菜，全程都唔错鸡髀肉都好弹牙，系日本鸡髀肉黎嘅，厚度算够，烧得熟
入到餐厅已经坐咗3、4枱客，但我哋都叫做唔使等位，无卜都可以直接坐低
坐低发现张枱有少少污糟，以佢人头定价要$500一个人黎计，张枱抹唔干净、无提供餐纸，得湿纸巾，坐低水都无一杯，我知你想客人叫嘢饮，但一般日本菜都会有杯热茶/冻水，佢真系要开口先有
$50 服务费买唔到服务
叫亲侍应都要叫好耐先有人应😮💨
讲返食嘢方面。咁好快决定好叫咩
我拣咗$489 嘅set，另外加咗日本猪腩肉、野菜盛り合わせ
再加咗紫菜沙律、Kimchi同超幸福生蛋拌饭
由牛肋肉同上牛扒食起，牛肋肉偏肥，烧耐少少等啲牛油逼哂出嚟先
上牛扒就几腍，都够肥，入口都算几新鲜
（左边上起
牛肋肉、上牛扒
右边上起
牛舌、鸡髀肉）
之后到横隔膜，最难烧得熟、又容易烧过龙嘅部位
但肉味够，厚度够，选择澳洲和牛又比日本和牛再浓味啲
到牛扒，都算腍，同上牛扒最大嘅分别系腍度，其他分别唔算太大
以口感黎讲，牛扒切得厚啲、口感实在啲
左起：横膈膜、牛扒
中间我哋穿插烧啲蔬菜，全程都唔错
鸡髀肉都好弹牙，系日本鸡髀肉黎嘅，厚度算够，烧得熟少少都唔会老
到我另外叫𠮶碟日本猪腩肉，我放上烧炉，我老公话咁似熟咗嘅
我话佢个样有啲似日本叉烧😂
但应该未熟挂，唔系点会比你烧？
最后我哋问咗侍应黎问，佢话系预先蒸过，但未全熟，烧到金黄色就食得
咁我哋好乖咁烧到好靓，其实都几期待㗎，因为日本猪腩肉一向好食
但一入口，「？」
好嚡🥲
完全唔似我食开𠮶啲日本猪腩肉🥲
又无味🥲
简直嘥心机
如果我叫嘅时候佢有讲旧肉有蒸过，我肯定我唔会叫
始终蒸过，放完再煮，就好似你隔夜𩠌返热咁，边度好食啫？
呢碟我系合埋眼食完就算数
无端端唔知点解要蒸过先比你食嘅猪腩肉
紫菜沙律一开始就上咗，好快
但个Kimchi 我哋等到颈都长埋都未见到，追两次先拎出嚟
我老公忍唔住讲咗句，系咪捞紧？😂
但佢碟Kimchi 唔算好食，偏甜同辣，唔够酸
超幸福饭因为我唔食得生蛋嘅关系，叫咗佢蛋黄另外上，拎上黎我哋问佢有冇，个侍应话唔记得咗，话拎只碗帮我哋分返开
我话唔使啦
我老公话佢讲得出就等佢搞掂
点知佢原来唔识处理，一下就谂住用只铁匙羹𢳂起个蛋黄
结果当然系佢𢳂唔起，个蛋黄穿咗，愈整愈衰，我唔使食
我即刻叫佢放低
其实佢有智慧少少，用只大啲嘅匙羹，连旁边少少饭一齐𢳂起，就唔会整穿个蛋黄，真系估佢唔到
最后成碗饭益咗我老公，佢食得劲开心
碗饭就无影相，比佢整到咁样衰
讲咁耐，系咪发现少咗啲嘢呢？
系呀，个牛舌呀！
我老公因为好钟意食牛舌，决定留到最后先烧黎食，点知一食就出事
苏到喊，直头想呕返出嚟🤢
我同我老公讲，不如同佢讲，叫佢换其他野，我老公话得𠮶几片，人哋点换㖞
于是夹硬食埋佢
但真心，就算服务有啲出错、啲嘢食有啲奇怪，都唔够𠮶碟苏到呕嘅牛舌咁难顶、咁败笔！
直头系成餐饭嘅污点
食咗咁耐，本来对佢印象都ok，最多下次知伏，唔叫猪腩肉
但佢𠮶个咁唔新鲜嘅牛舌，完全破坏咗成餐饭
真心建议，想去食就唔好叫猪腩肉同牛舌，否则你会后悔😢
一共食咗九百几蚊，但系咪物超所值呢？
又未到。
我谂暂时都无下次，咁嘅性价比，一啲都唔值得再去第二次🥲
另外值得一提，我哋坐近电梯大堂𠮶边嘅位，啲党委嘅人就坐喺我哋隔离，个间隔仲要有窿，然后等位有个男人系咁喺度咳，真系听见都觉得恐怖😮💨
张贴
