金城小廚

营业中

休息中

我哋一向钟意光顾小店，估唔到第一次写食评竟因为唔好嘅经历。整体食物唔错，仲一路食一路讲下次食咩，证明小炒有风味。4个人叫咗5个𩠌6支啤酒$1255？？起初都无留意，朋友一句点解咁贵？唔收加一㖞！叮一声～即刻叫阿姐俾张单我睇下系咪计错数？等咗10分钟唔见回头再追！系等期间自己计一次$792，阿姐终于拎差额返话唔好意思计多咗，应该$932！我反应紧系又唔啱！我话不如你话我知点计啦！阿姐又拎张单去再计过，跟住一个话得事嘅嚟话今次$850啱㗎啦，加返茶钱$12/位，我话鱼皮$98同潮式腐皮卷$118，都唔啱，我哋跟墙上面价计$792就算加茶都系$840，佢竟然话$10佢补？加咗价唔记得改价，如果真系唔记得改就应该$860吧！点解要你补呢？数要清楚嘛！最终我比$850完结件事！来来回回……张单写到花斑斑！第一次唔啱第二又系咁，数字好似砌出嚟咁！大家自己判断吧。