影片
更多
2021-11-03
1832 浏览
初尝上海春卷！店家系咁问试唔试呢个，因为平时要预订先有得食咁岩今日有客人订，低我哋又食唔得多所以比我哋份量由5条变2条。原来上海春卷系入面有汁嘅！主要系萝卜、津白、冬菇做馅，外皮炸脆但又保持湿润！酸辣汤因为隔离枱话想试，做咗个mini版系一个饭碗咁细，送错左比我，我话多谢啦。点知最后话收$33蚊？下？佢正常一大碗$64，你送错比我试又收返我钱？又唔同我讲$30再加10%？我话唔合理，佢话咁系佢哋送错咗，但我都冇话唔要㖞系咪要免费请我试㖞？咁最后我比咗一半mini size $15, 冇酸味嘅，超滚，本身帮你落咗豆办酱同麻油，淡咗少少。不过我就唔会再想试喇镇江肴肉 街坊推介，试咗不过不失，正常发挥小笼包多汁可惜皮略嫌厚咗啲，🥲又系食过好嘢就返唔到转头呀⋯⋯炸银丝卷 炸得唔均匀但银丝仲一条条嘅，要媡奶话要加$2 第一次见。。算啦今次就咁食！呢餐星期六日晚市+10%成餐$200不过小家咗啲，下次唔好送完又收人钱，我都食咗你开60蚊叫我找数丫咁？
初尝上海春卷！
店家系咁问试唔试呢个，因为平时要预订先有得食咁岩今日有客人订，低我哋又食唔得多所以比我哋份量由5条变2条。
原来上海春卷系入面有汁嘅！主要系萝卜、津白、冬菇做馅，外皮炸脆但又保持湿润！
酸辣汤因为隔离枱话想试，做咗个mini版系一个饭碗咁细，送错左比我，我话多谢啦。点知最后话收$33蚊？下？佢正常一大碗$64，你送错比我试又收返我钱？又唔同我讲$30再加10%？我话唔合理，佢话咁系佢哋送错咗，但我都冇话唔要㖞系咪要免费请我试㖞？咁最后我比咗一半mini size $15, 冇酸味嘅，超滚，本身帮你落咗豆办酱同麻油，淡咗少少。不过我就唔会再想试喇
镇江肴肉 街坊推介，试咗不过不失，正常发挥
小笼包多汁可惜皮略嫌厚咗啲，🥲又系食过好嘢就返唔到转头呀⋯⋯
炸银丝卷 炸得唔均匀但银丝仲一条条嘅，要媡奶话要加$2 第一次见。。算啦今次就咁食！
呢餐星期六日晚市+10%
成餐$200
不过小家咗啲，下次唔好送完又收人钱，我都食咗你开60蚊叫我找数丫咁？
张贴
