Make It (已結業)

行街行到攰，想揾個地方坐下，咁鬼熱，食枝雪條都好喎，黎到make it先知原來有乳酪賣，即刻轉軚食乳酪先。友人懶得自己揀，叫左menu上嘅summer delight，就係乳酪加士多啤梨，芒果，mochi。乳酪有少少滆滆地，味道酸酸甜甜幾正。另外我就自選左乳酪底，加士多啤梨藍莓味，再加桑莓，麥提莎，哈蜜瓜topping，正呀正呀，賣相靚靚。味道比友人個更酸一點，食到果味嘅香甜，仲有至愛麥提莎，哈哈。食完就讓返張枱出黎，間舖好細好多人等位，唔方便慢慢嘆。一間小小嘅舖居然有六個員工，佢地好有禮貌，又會介紹有咩topping受歡迎咁，食都食得開心啲。