Make It (已結業)

行街行到攰，想揾个地方坐下，咁鬼热，食枝雪条都好㖞，黎到make it先知原来有乳酪卖，即刻转軚食乳酪先。友人懒得自己拣，叫左menu上嘅summer delight，就系乳酪加士多啤梨，芒果，mochi。乳酪有少少滆滆地，味道酸酸甜甜几正。另外我就自选左乳酪底，加士多啤梨蓝莓味，再加桑莓，麦提莎，哈蜜瓜topping，正呀正呀，卖相靓靓。味道比友人个更酸一点，食到果味嘅香甜，仲有至爱麦提莎，哈哈。食完就让返张枱出黎，间舖好细好多人等位，唔方便慢慢叹。一间小小嘅舖居然有六个员工，佢地好有礼貌，又会介绍有咩topping受欢迎咁，食都食得开心啲。