影片
更多
2022-10-06
199 浏览
见荳子出咗新菜式，咪帮衬下，结果中大伏。原条牛肋骨，真系得一条骨，同得个样。 $244，一条硬掘掘、直笔甩一条骨。全部可食用嘅肉加起黎，不足2 Oz，依附喺条大骨上面。令我回想起中学读文学读庄子《庖丁解牛》。不过啲肉真心少，相信就算庖丁复生，都未必可以喺条骨度割出肉。 肉质一般，仲有咬唔开嘅筋膜，但肉味都OK浓(当你辛辛苦苦刮啲肉碎摆入口，一定feel到味道好浓，系浓浓嘅辛酸)。 最不知所谓嘅一点：个菜式头三个字叫「啤酒烤」，但啲肉食落系完全无啤酒香。有啤酒味嘅系另外嘅一小兜啤酒烧汁，要捞黎食。既然肉还肉，汁还汁，就唔应该叫「啤酒烤」，应该叫「配啤酒汁」啦！ 至于芒果莎莎，淋咗喺条骨上面，无咩味道，食唔出明显清香同鲜甜，亦凸显唔到肉味，完全缺乏陪衬作用。 佢个上菜方式应该改成：啤酒烧汁趁热淋上去，而冻嘅芒果莎莎就另上，咁就叫似样少少。目前系完全不合理。 底下嘅杂菜数量不多，大概有4-5片青瓜、红萝卜切成嘅薄片，薄薄卷起，无咩特别调味，胜在够薄，如嫦娥羽衣轻薄，食落有秋天嘅味道：好似一阵西北风。 至于薯蓉，风格相当consistent，极少，都未认真食到咩味已经无哂。 成道菜得个样，份量
$244，一条硬掘掘、直笔甩一条骨。全部可食用嘅肉加起黎，不足2 Oz，依附喺条大骨上面。令我回想起中学读文学读庄子《庖丁解牛》。不过啲肉真心少，相信就算庖丁复生，都未必可以喺条骨度割出肉。
肉质一般，仲有咬唔开嘅筋膜，但肉味都OK浓(当你辛辛苦苦刮啲肉碎摆入口，一定feel到味道好浓，系浓浓嘅辛酸)。
最不知所谓嘅一点：个菜式头三个字叫「啤酒烤」，但啲肉食落系完全无啤酒香。有啤酒味嘅系另外嘅一小兜啤酒烧汁，要捞黎食。既然肉还肉，汁还汁，就唔应该叫「啤酒烤」，应该叫「配啤酒汁」啦！
至于芒果莎莎，淋咗喺条骨上面，无咩味道，食唔出明显清香同鲜甜，亦凸显唔到肉味，完全缺乏陪衬作用。
佢个上菜方式应该改成：啤酒烧汁趁热淋上去，而冻嘅芒果莎莎就另上，咁就叫似样少少。目前系完全不合理。
底下嘅杂菜数量不多，大概有4-5片青瓜、红萝卜切成嘅薄片，薄薄卷起，无咩特别调味，胜在够薄，如嫦娥羽衣轻薄，食落有秋天嘅味道：好似一阵西北风。
至于薯蓉，风格相当consistent，极少，都未认真食到咩味已经无哂。
成道菜得个样，份量极少，味道一般，盛惠$244。好彩我无打针，外卖自取唔需要加一，赚咗嘻嘻👏！
强烈奉劝：除非你想要佢条骨煲汤，或者你屋企只狗想要旧骨头咬下，否则千祈唔好买呢道菜！！！
啤酒烤原条牛肋骨 配 香蒜薯蓉、芒果莎莎、杂菜
$244
31 浏览
0 赞好
0 留言
张贴
