日喜樓 (已結業)

喺Times睇完戏，嚟到附近嘅V Point食中菜， 餐厅内除咗传统中式大圆枱外，仲有宽敞嘅卡位， 宽敞舒适。 呢度近日推出蟹粉菜式，有朋友最爱嘅蟹粉小笼包，点可以唔试！蟹粉小笼包 $44 每粒小笼包都胀卜卜，充满汤汁， 一咬开蟹粉鲜味蜂拥而至。有水准！橙烧最脆鳝$148鳝条炸得香酥可口，裹上一层酸甜酱汁，十分开胃。最拿手(猪手)$63无骨猪手够弹牙，调味偏淡，却令酒味更加突出。酸菜桂鱼$288师傅将原条桂鱼完全起骨，一片片嫩滑鱼肉，纹理细致，口感极佳。酸辣程度调配得恰到好处，阔身薯粉吸收汤汁精华，同腌酸菜，萝卜一齐食简直系绝配。