點煲 (星輝台智星閣)

营业中

休息中

好难得夜晚有人肯一齐食煲仔饭，夜晚饮茶都有，但而家晚餐专登去食煲仔饭就好少啦。今日同朋友系太古既点煲。 黎到门口已有人等位，好彩唔系等好耐。入到黎都几热闹，见到佢个风干炉，入面吊住咁多鸡，就知佢既烧鸡应该好讲究。坐底就同朋友叫左壶菊花清一清热先。壶茶好香菊花味。小食就叫左自家制酱油皮蛋。佢个酱又几香，同皮蛋都几夹，不过如果有返少少辣会更好。主菜梗系要叫煲仔饭，家乡梅菜扣肉煲仔饭。梅菜好香，扣肉都够稔，而且好体贴客人，扣肉都唔太肥。最最正系佢既饭焦，可能系炭烧火路比较均匀，成个煲底都有一层饭焦，唔㶶但好脆，好好味。都算几正宗。仲有更系要试佢既备长炭火烧鸡。就系用佢系风炉封干既鸡，所以皮特别薄脆又冇晒肥膏同油，肉质嫩而不肥，够晒风味。