潮福蒸氣石鍋 (已結業)

踏入冬天，就想每一餐都系打边炉。上个星期气温忽然骤降，冻到个人食龙肉都冇味，朋友就介绍话成日打边炉，不如食好啲，去食蒸气石锅啦！最后就造就左今次嘅真味之旅！潮福蒸气石锅好多地方都有分店，今次近近地去左尖沙咀分店。一上到去已经劲多人，好彩订左位咋，如果唔系都应该食唔到！嘟嘟声此起彼落，原来系提示每转嘢食蒸好左嘅倒数钟发出，感觉好似好争分夺秒咁紧张。佢有分任食或散叫，但朋友对某啲嘢食敏感，所以选择散叫。我地拣左几款海鲜同个粥，原来系可以出去个鱼缸度拣海鲜添！劲新鲜！overall海鲜好鲜甜，啲汁滴哂落去个粥度，搞到个粥都劲甜！海鲜推介个蚬，劲大只！超like呀！