大快活 (萬年大廈)

营业中

休息中

冬天嚟到，唔少餐厅都会推出煲仔饭。但因疫情关系，限众令加无晚市，大快活最近出咗煲仔饭外卖，仲可以成个煲拎走，原汁原味。煲仔饭外卖连煲要加6蚊，如果还返个煲，就会有6蚊coupon下次用。咁啱系online订，原来有9折，真系抵。腊肠沙姜鸡煲仔饭 $53（连煲）煲仔饭有纸皮包好，好贴心。一打开个盖就有好多嘅蒸气，配上一个煲仔饭豉油。腊肠细细条，味道正常。沙姜鸡都系一般平时快餐店水准，唔会太硬。最重要系啲饭，煲仔饭啲饭有饭焦，份量都十分多，一个人食唔晒。整体嚟讲，煲仔饭以快餐店水准合格，同埋好欣赏大快活嘅外卖包装。