麵鮮醬油房周月 (歌賦街)

营业中

休息中

歌賦街係沾麵林立之地，周月就係最早將沾麵帶嚟香港嘅麵店。公眾假期嘅午飯時間，竟然可以唔使等位，直接入座。枱面有好香嘅麥茶可以自己倒黎飲，但係啲杯有啲污糟，我嗰隻嘅杯邊癡住咗一隻蚊之，我同店員反映，佢即刻道歉同收走隻杯。menu有好多選擇之餘，連面嘅重量、冷熱，以至湯嘅濃淡程度都可以選擇。周月嘅沾麵湯底係將醬油、日本醋、魚粉加入雞湯而成，我鍾意佢唔係太濃稠，味道好特別，麵條係店家自製，屬於幼麵條，浸落去啲湯汁非常掛麵，呢個湯底唔會有油膩嘅感覺。麵條帶着少少麥香，唔算太有咬口，我揀咗凍麵條，浸落熱辣辣嘅湯汁，都幾好食。