麵鮮醬油房周月 (歌賦街)

营业中

休息中

歌赋街系沾面林立之地，周月就系最早将沾面带嚟香港嘅面店。公众假期嘅午饭时间，竟然可以唔使等位，直接入座。枱面有好香嘅麦茶可以自己倒黎饮，但系啲杯有啲污糟，我𠮶只嘅杯边痴住咗一只蚊之，我同店员反映，佢即刻道歉同收走只杯。menu有好多选择之余，连面嘅重量、冷热，以至汤嘅浓淡程度都可以选择。周月嘅沾面汤底系将酱油、日本醋、鱼粉加入鸡汤而成，我钟意佢唔系太浓稠，味道好特别，面条系店家自制，属于幼面条，浸落去啲汤汁非常挂面，呢个汤底唔会有油腻嘅感觉。面条带着少少麦香，唔算太有咬口，我拣咗冻面条，浸落热辣辣嘅汤汁，都几好食。