蓮香居 (已結業)

前几日爸爸话好怀念上环𠮶间莲香居, 话好想去𠮶度食冬瓜盅同马拉糕, 我即刻打去book位先, 最后终于book到位啦！！先嚟呀爸至爱嘅鲜莲八宝冬瓜盅, 一上枱睇到我哋哗哗声！汤面舖满夜香花, 超足料, 有虾, 带子, 鸭肉, 香菇, 莲子等等…………, 汤底香甜, 够入味！！然后叫左生炆龙趸头腩, 头腩好厚肉, 很新鲜, 仲有配料枝竹同烧肉, 都整好入味, 但最精彩嘅系最底嘅白菜, 完全索晒所有材料嘅精华！！生炒排骨都ok脆口, 酸酸甜甜！！豉油皇虎虾大大只, 好爽口！！生煎莲藕饼就失色D, 味道太咸, 而且无乜莲藕味！！最后紧系叫埋必食嘅一笼一个马拉糕, 热辣辣又松软！！今晚超幸福呀！！