影片
更多
2023-11-01
51 浏览
本身好钟意食拉面 ,上网见到人哋有呢张相"原只澳洲龙虾拉面 "所以专程过嚟试下。 原来每日限定十碗, 所以食唔食到都睇缘份 。一上场嘅时候就已经好吸睛👀 店员仲好好咁介绍,畀个碟你放低只龙虾,其他材料就要搅匀嚟食。 龙虾酒新鲜啖啖肉,但系本身个拉面都好好食,系好浓嘅龙虾汤底,配料有啲樱花虾,溏心蛋,紫菜,最特别系个面条。佢唔同嘅拉面有夹过唔同嘅汤底,用唔同嘅面条。 呢一款龙虾拉面,佢选用嘅面条系比较粗身少少,近乎生乌冬嘅粗幼度,食落有咬口烟韧嘅。 另外我哋就叫咗个黑蒜拉面,好香嘅黑蒜味。 佢今次配嘅拉面呢就系曲身幼面, 比较挂汤,再配多两块叉烧 。佢叉烧同平时拉面店食𠮶只有啲唔同,平时出面食叉烧肥肉比较多,会有入口 即化嘅感觉。佢哋呢一款有少少似火腿,淋身嘅但系有咬口有肉食𠮶只感觉。我哋仲叫咗个炸鸡同埋饺子 。炸鸡好出色外脆内软又juicy 。饺子一份有四只 煎得非常靓,来仲可以加20蚊任叫,好抵 。饮品方面我哋专登试喺啲特别啲嘅,我拣咗绿茶可乐,朋友拣咗哈密瓜梳打。绿茶可乐味道唔似绿茶唔似可乐,味道有少少似特别版嘅可乐味道,不过系几好饮嘅,大家可以试下。 哈密瓜梳打,我就觉得偏甜咗少
原来每日限定十碗, 所以食唔食到都睇缘份 。
一上场嘅时候就已经好吸睛👀 店员仲好好咁介绍,畀个碟你放低只龙虾,其他材料就要搅匀嚟食。 龙虾酒新鲜啖啖肉,但系本身个拉面都好好食,系好浓嘅龙虾汤底,配料有啲樱花虾,溏心蛋,紫菜,最特别系个面条。佢唔同嘅拉面有夹过唔同嘅汤底,用唔同嘅面条。 呢一款龙虾拉面,佢选用嘅面条系比较粗身少少,近乎生乌冬嘅粗幼度,食落有咬口烟韧嘅。
另外我哋就叫咗个黑蒜拉面,好香嘅黑蒜味。 佢今次配嘅拉面呢就系曲身幼面, 比较挂汤,再配多两块叉烧 。佢叉烧同平时拉面店食𠮶只有啲唔同,平时出面食叉烧肥肉比较多,会有入口 即化嘅感觉。佢哋呢一款有少少似火腿,淋身嘅但系有咬口有肉食𠮶只感觉。
我哋仲叫咗个炸鸡同埋饺子 。
炸鸡好出色外脆内软又juicy 。饺子一份有四只 煎得非常靓,来仲可以加20蚊任叫,好抵 。
饮品方面我哋专登试喺啲特别啲嘅,我拣咗绿茶可乐,朋友拣咗哈密瓜梳打。
绿茶可乐味道唔似绿茶唔似可乐,味道有少少似特别版嘅可乐味道,不过系几好饮嘅,大家可以试下。 哈密瓜梳打,我就觉得偏甜咗少少 。总括嚟讲,成餐饭都好满足。
张贴
