街坊Cafe (已結業)

平时经过见到通菜街两旁嘅食肆林立，选择非常丰富，而且价钱相对便宜，今次都决定黎呢一带帮衬。经过见到呢一间街坊cafe门口贴住「入围食店」，应该都系唔错，所以决定试一下。翻左个餐牌睇睇，有各类二人餐、set dinner 同埋全日早餐。食物嘅款式都几多，但系眼球就比一个二人套餐吸引咗。二人套餐有餐汤、前菜、主菜、甜品同埋饮品，大概四百蚊。1) 黑松露野菌忌廉汤 (⭐⭐⭐⭐⭐)套餐加28蚊就可以食到，香浓嘅黑松露味配合忌廉，真系超级好味，饮到一滴都冇剩。2) 吞拿鱼蟹籽沙律 (⭐⭐⭐⭐⭐)蟹籽沙律都几新鲜，吞拿鱼增加左沙律嘅口感层次。3) 原只波士顿龙虾 (⭐⭐⭐⭐⭐)龙虾两大只，卖相超级吸引，仲配有芝士龙虾汁意大利饭，份量大，令人饱肚好满足。由于餐厅嘅效率都几快，所以连埋嘢饮同埋甜品都只系食咗一个钟，不过就坐多咗一阵，享受一下呢度嘅环境先至离去。整体嚟讲，对今餐几满意，价钱亦都合理，下次一定会再帮衬。