BLT Burger (已結業)

喺香港，好食嘅汉堡包好多，但系大部份都好贵！照呢个价钱嚟讲就真系好难接受。今日第一次帮衬，两个人唔敢点太多嘢，先点了一份 mix vegetables salad, 一份 Classic Burger combos, 一份CAB burger同埋一杯 milk shake, 结果全军覆没！首先个saIad啲菜全部"淋"嘅，一啲都唔脆口，个汁酱酸到不得了 ，零分！蔬菜如果太早切好又唔做好保鲜工作嘅话就会搅成咁，汁酱就肯定无试味就比客人食！再嚟杯 milk shake 实在太甜，甜到顶唔顺先叫人换过一杯 好彩啲服务员都好有礼貌，加分 第三样就系薯条，上抬时先食一条，又系唔脆嘅， 零分！到最后主角汉堡包，两个包都唔错，不过我哋叫五成熟，但咬开只见到少少红色，肉汁更加欠奉！不过浓郁嘅美国牛肉味挽回唔少分数 ！总括黎讲，收呢个价钱我唔会再帮衬！食材唔错,但系煮得差，浪费！