影片
更多
2010-02-16
5 浏览
想去饮茶食点心，唔想去茶楼同人逼，点心名店添好运又一定要有排等，见openrice呢间点心店的口碑唔错，又未试过，就去呢间饮茶啦。其实呢度地方同其他时兴的点心店一样，店子不大，幸好年假期间，人人不是外游，就是去了其他高档些的地方吃饭饮茶，所以去到即刻就有位啦！这间店有两样特色系其他人之前在openrice都提及过的。首先，呢度的茶只有四款，分别系「旧普洱」、「铁观音」、「五花茶」同「三和茶」。其实「五花茶」唔系凉茶舖的的传统五花茶，而系其他茶来，「三和茶」就更加唔知佢系乜，剩系知道系三样嘢加埋做茶，所以叫「三和茶」，话有清热解毒，宁神润肺作用㖞。，「和」系加的意思。既然咁特别，自己最近耐唔耐又咳到黐肺，就试下啦！不过试落这味茶就真系饮唔出佢系用乜来整啦，系淡淡地，清清地咁，无平时饮开嘅普洱咁浓啰！第二，呢度d茶唔系放喺茶壶俾客人饮下斟下嘅，系问完客人饮咩茶斟左之后，耐不耐有侍应巡视，再问客人系饮咩茶先去添茶嘅。（不过当然，客人饮到无晒，叫佢加茶，甚至转饮另一种茶都无问题嘅）讲到呢度的点心，最有gimmick，最多人讲的梗系鲍鱼烧卖啦！$24碟点心，两件烧卖上各有一只鲍鱼仔在上面，平均只
其实呢度地方同其他时兴的点心店一样，店子不大，幸好年假期间，人人不是外游，就是去了其他高档些的地方吃饭饮茶，所以去到即刻就有位啦！
这间店有两样特色系其他人之前在openrice都提及过的。
首先，呢度的茶只有四款，分别系「旧普洱」、「铁观音」、「五花茶」同「三和茶」。其实「五花茶」唔系凉茶舖的的传统五花茶，而系其他茶来，「三和茶」就更加唔知佢系乜，剩系知道系三样嘢加埋做茶，所以叫「三和茶」，话有清热解毒，宁神润肺作用㖞。，「和」系加的意思。既然咁特别，自己最近耐唔耐又咳到黐肺，就试下啦！不过试落这味茶就真系饮唔出佢系用乜来整啦，系淡淡地，清清地咁，无平时饮开嘅普洱咁浓啰！
第二，呢度d茶唔系放喺茶壶俾客人饮下斟下嘅，系问完客人饮咩茶斟左之后，耐不耐有侍应巡视，再问客人系饮咩茶先去添茶嘅。（不过当然，客人饮到无晒，叫佢加茶，甚至转饮另一种茶都无问题嘅）
讲到呢度的点心，最有gimmick，最多人讲的梗系鲍鱼烧卖啦！$24碟点心，两件烧卖上各有一只鲍鱼仔在上面，平均只系$11一只鲍鱼烧卖，鲍鱼㖞，仲系成只㖞，虽然明知只系细细只的鲍鱼仔，梗系多人想试下啦！
咁味道呢？其他点心呢？总括来讲，系及格的。有d无乜特别，只系正常货色，有d就都几好食，胜在无乜边样系整得好差，好难食嘅。详细的评价就在下面：
鲍鱼烧卖：鲍鱼预左系细细只，不过size比想像中大，吃落都有嚼口，而且都有鲍鱼的味道。烧卖质素也不错，肥瘦度适中。
鲍粒叉烧酥：又系鲍鱼作卖点，味道都不错，不过唔够热同皮唔够酥，而且在三件叉烧酥中，只有最后一件吃到有鲍鱼碎，其他两件食不出呢！
牛肉肠粉：味道ok，但肠粉皮厚了些。
虾饺：都几大只，虾都几爽，水准不错！
鸡扎：正常发挥，喜欢佢有芋头吃（个人喜好），但系鱼肚同鸡都细件左少少。
马拉糕：做得唔错，味道恰可。
就系咁样，满足左自己在年假期间饮茶的愿望啦！
张贴
