影片
更多
2012-07-27
352 浏览
无论系堂食定外卖，都好似我去乞米咁。每次帮趁亲呢间野例必有人嬲爆。外卖食物方面：次次叫外卖都迟最少半个钟，曾经有次lunch time过晒先黎到，要5分钟内“立吞”。同个送外卖既讲话点解咁迟，又俾人嗌话“你自己同舖头讲啦！”果汁：黎到系热o既，已经系小事。汤：D油成寸厚，饮完D油先饮到D汤水意粉：又话可以拣汁，结果系乜汁都无牛仔骨：谂住30蚊货仔无乜期待，点知D肉烧到㶶晒，硬到咬唔入，结果有同事成餐无得食，饿到放工。仲试过成个餐o既柯打漏左，有同事饿住等紧，打去打半个钟唔通，都算，话晒人地咁多人打去点知好不容易打通，谂住叫人地快D送个餐黎俾o个位同事啦，话口未完讲到话“你地漏左个餐呀...”竟然擒线！想投诉又唔得，回水又唔得 堂食：入去叫野，有D人食完晒另一个餐都未到，一问就被人怒吼叫“等阵啦！”，之后再追直情当你透明。食物份量唔算多，而且每次都唔一样。有时好少，有时又突然大增送。味道：好一般，偏向多油。茶餐厅水准。人善俾人欺，我真系好无奈，亦都觉得俾左咁多次机会都够晒有凸。唔想排长龙入去贡献血汗钱，结果熋爆既各位ching们，切勿帮趁！！
每次帮趁亲呢间野例必有人嬲爆。
外卖食物方面：次次叫外卖都迟最少半个钟，曾经有次lunch time过晒先黎到，要5分钟内“立吞”。同个送外卖既讲话点解咁迟，又俾人嗌话“你自己同舖头讲啦！”
果汁：黎到系热o既，已经系小事。
汤：D油成寸厚，饮完D油先饮到D汤水
意粉：又话可以拣汁，结果系乜汁都无
牛仔骨：谂住30蚊货仔无乜期待，点知D肉烧到㶶晒，硬到咬唔入，结果有同事成餐无得食，饿到放工。
仲试过成个餐o既柯打漏左，有同事饿住等紧，打去打半个钟唔通，都算，话晒人地咁多人打去
点知好不容易打通，谂住叫人地快D送个餐黎俾o个位同事啦，话口未完讲到话“你地漏左个餐呀...”竟然擒线！
想投诉又唔得，回水又唔得
堂食：
入去叫野，有D人食完晒另一个餐都未到，一问就被人怒吼叫“等阵啦！”，之后再追直情当你透明。
食物份量唔算多，而且每次都唔一样。有时好少，有时又突然大增送。
味道：好一般，偏向多油。茶餐厅水准。
人善俾人欺，我真系好无奈，亦都觉得俾左咁多次机会都够晒有凸。
唔想排长龙入去贡献血汗钱，结果熋爆既各位ching们，切勿帮趁！！
张贴