霸嗎拉麵 (已結業)

上星期去开将军澳做野，饿左成个下午，6点几晚餐时间，经过见到我钟意食既霸吗拉面，忍唔住入去食返碗先出九龙！钟意食霸吗既原因系佢都由装修到味道几日式风味，而且选择都几多！呢间间既厨房仲要都几干净！我所指既选择多，唔单只系拉面同小食款式，仲有各式日式饮品都同样选择多！我就叫左我最钟意饮既绿茶汽水，味道就系可乐再加入绿茶味，两种味道都非常融洽！唔会抢左对方既味道！饮品嚟完无耐，有阵阵照烧酱香味既照烧饺子都好快送到！ 薄薄既外皮煎得几香脆，馅料有点肉汁，比原味多了层照烧酱既味道！而热辣辣香喷喷既酱焖鸡叉烧味玉拉面亦都好快送到！ 香喷喷既系鸡汤既香味！呢个拉面真系份量十足，面条我选择左普通硬度，咬落都几烟韧！至于厚切既鸡叉烧，肉汁丰富，除左鸡肉既嫩滑外，仲带点咸味，两件大大件真系再大食都够晒！仲有要赞下呢粒温泉蛋，生熟程度处理得宜，令香甜蛋汁非常丰富，同埋咬落仲有微温，唔会冻冰冰！今餐既食物全相，非常丰富同吸引呢食到最后，我加入左香甜既珍珠米落d汤度，再加埋粟米，就成就左一碗香甜既鸡汤饭，有粟米既脆口，加上软绵绵既珍珠米，口感十足！咁好饮既鸡汤我一滴汤都无浪费到,本来好鬼饿既我，食埋呢碗汤饭，真