貓啡

营业中

休息中

谂住开开心心同小朋友去猫cafe庆祝生日,餐厅标榜系会帮助流浪猫猫.不过入到去俾我嘅第一感觉好差几位女店员都系黑口黑面咁,其中一个系带帽嘅,唔知系嫌我哋多人定成日叫佢哋攞餐具,次次都系黑口黑面唔耐烦咁,佢哋冇嘢做都系坐晒喺度吹水咋嘛又唔系忙,搞到我自己都唔好意思叫佢哋.上晒所有嘢同埋其他人嘅嘢饮,谂住问下杯抹茶到未,个店员劲唔耐烦咁嘅样同我讲冲紧,好似要受佢气咁我哋带咗生日蛋糕上去,佢哋收咗我切饼费,但完全系零服务、零餐具俾我,仲要系叫先俾我,蛋糕摆低就算,仲要系成间餐厅咁大,都唔够叉用跟住系我切完蛋糕都未有,我就用我自己嘅碟同叉算（好在跟蛋糕送咗set餐具俾我）如果唔系当时真系好尴尬 ~总言之呢间嘢唔会有下次,我隔咁耐都要讲返呢件事系希望俾更多人知道,佢哋所谓嘅唔限时亦都系任佢哋讲,我哋都有俾佢哋吹我哋交枱,佢话已经有人等紧,但出面系一个客都冇,态度另人不能接受！唔好意思或者多谢嘅说话完全系冇嘅！