疊囍居

营业中

休息中

星期六和家人去饮茶，中午时分酒楼只坐到大概七成客人。可能当日红雨，少人出街。用点心纸点点心比用app好。望住张点心纸有问题，举手问部长，点知部长一手抢去张点心纸就走。我哋叫住佢佢先返转头，用敷衍嘅态度回答我哋嘅问题。好啦，点心到啦。碟雪山叉烧包入面个馅系冻嘅，三粒叉烧包食净一粒。碟例牌叉烧重差，师傅俾咗有筋嘅部位，完全咬唔开。同部长投诉佢换过一碟俾我哋，但一半都系肥嘅，食剩半碟。其他虾饺烧卖点心味道正常。食完埋单，两位小朋友计一位大人茶钱。问部长小朋友都要计茶钱？部长话系。再问部长住户有冇折？佢竟然话系母亲节前夕所以冇折。消费当日5月4日，母亲节系5月12日，不如你话全个五月都冇折啦。最难受嘅系部长闹柜台收银姐姐，污言秽语闹足5分钟。我哋呢台有小朋友喺度佢都唔识得收口。其他客人都望住呢位部长闹人。两个月前第一次帮衬呢间酒楼，味道服务都不错。估唔到事隔两个月后再去，点心味道大退步，服务好差。我哋六个大人两个小朋友食咗七百几蚊，性价比超低，唉，唔好怪香港人唔系香港消费了。