李家 (已搬遷) 新店位置

暂时去唔到韩国住，就嚟呢度食吓炸鸡止止血先啦，同朋友食宵夜，夜晚9点几入嚟，唔驶等，几好㖞。坐底睇吓餐牌，有好几款炸鸡拣，最后叫咗半只蜂蜜蒜蓉炸鸡，外脆内软（不过唔记得影相），热辣辣，真系正到爆，又有手套提供，唔驶整污糟只手，仲有一碟萝卜同椰菜丝，俾你解油腻，细心到有个铁兜俾你装骨头，唔够食再叫埋呢款芝士鸡蛋卷，简直系完美，不过真系要衬热食，冻咗就唔好食喇！埋单二百几又唔贵，坐得又舒服，下次一定会再去帮衬！