隆姐泰國美食館

营业中

休息中

今日同朋友去街，之后大家都突然想食泰国菜，咁就当然系立刻坐车去九龙城啦，去到门口需要排队，我地都等左成半个小时，好彩门口有椅子坐，我地一路倾计一路等，都唔觉半个小时。一人谂一个菜，结果大家谂左好多小菜出黎，我地三个人谂左四个小菜，一坐落去就叫左先，因为真系好鬼肚饿。青木瓜沙律青木瓜爽脆开胃，第一碟食最好不过啦，沙律带小小辣，我自己就十分钟意啦。酸辣凤爪又一开胃菜，好似好耐无食过咁，一黎到我地一人几只，极速清哂，哈哈。酸辣酱汁调得好正，又够辣，真系想外卖多碟返屋企炸虾饼外脆肉嫩，虾饼里面啲肉好弹牙，又炸得香，好好味烧猪颈肉呢碟烧猪颈肉真系从不令我地失望，差不多间间泰国菜都烧得好好味，唔同嘅系佢哋嘅腌料，隆姐当然烧得最好味啦，哈哈。再加埋啲调味酱汁，非常好！大食嘅我地仲加左碟菜同咖喱虾，一样咁好味，虾开边，大大只，加左炸粉炸过先放落入咖喱，泰国咖喱仲可以点面包食，食都停唔到口呀！