一芳台灣水果茶 (已結業)

喺台湾有饮过一芳，番深圳亦都有饮过；虽然香港嘅一芳评价都几两极，但我个人其实几喜欢…可能我每次都系点金钻凤梨绿，味道一直好稳定，无咩技巧，点三分糖、正常冰最啱我口味。今次仲系我第一次喺旺角分店试，假日下午茶时间，都有少量人排队，等候时间并唔耐。餐牌分原茶、果茶、鲜奶茶、黑糖粉圆系列等，定价$17-33。 糖度、冰度自选，分中/大杯，大部份饮料提供热饮选择。仙草冻奶茶 $29/正常糖/正常冰点左期间限定嘅仙草冻奶茶，比较清爽，味道唔错，半糖应该更合适添。一芳嘅奶茶类用鲜奶制作，无奶粉奶精，价格同香港大部分茶店差不多。用上日月潭红茶，奶茶有茶味，奶淡不腻口，仙草份量唔多，口感滑捋捋，有甘草香气，味道自然，而且消暑一芳水果茶 $30/热/半糖水果茶一向系招牌，除左例牌百香果，仲有切片嘅苹果、橙，点左热饮，唔会热到辣咀，啱啱入到口，呢个天气饮都唔难受～