周記油渣麵 (已結業)

一个大男人最钟意就系去深水埗黄金脑场行逛，睇完下面电脑野就上2楼睇game, 之后就去食返个油渣面先走成日见到对面舖头间猪润面大排长龙，但其实周记都有得食，不过讲到出名既，油渣面(我叫佢做多渣面)，同埋炸鸳鸯饺真系非食不可其实舖头好大，而且有大电视比人睇，虽然卫生程度麻麻，但一望menu就发现原来好多野食，炒面炒饭，豆浆马啼露咩都有。当然我每次黎都会把握机会食我既至爱啦油渣面以前得一个size既油渣面变到而家两个suze, 大既38，细既32。多渣既意思当然即系唔好执输，多啲猪油渣啦。猪油渣由肥猪油炸起，好香口，咬落去少少脆，配埋上海粗面食非常好再配埋枱面上常满既辣菜圃，味蕾立即受刺激，要叫返罐可乐(10蚊)解辣。但菜圃好爽，配油渣食口感极好，而且为左碗平平无奇既汤加上百般口感大碗既多渣面同细碗既分别不大，系个面多左，一般食细碗都好够，但今日肚饿，叫左碗大既炸鸳鸯饺但问题就黎啦，鸳鸯饺一共6只，只只炸到脆卜卜，特别系饺个顶，块饺皮系一啲都唔薄既，咬落去好脆好香，但食6旧既话就似足挑战大胃至宝座一样九菜饺比起猪肉饺好食得色，猪肉碎配好多既九菜令到只饺味丰富，饺入面都juicy,点埋佢个甜