寶蓮禪寺齋堂

营业中

休息中

今次系第二次食斋堂，以前通常食小食亭，今次撞到午餐时间就食正餐啦。斋堂系冯斋券入席，卖券姨姨话d斋菜好新鲜，同小食亭冇得比，果然，今次食既整体感觉比以前好，可能人大左，抱住一个咩心态食都好重要，如果想食fusion 斋菜或者食环境就要去钻石山净苑度食，系呢度可以怀住活在当下，珍惜食材同与你共餐既人既心，品尝食物。入到斋堂，装潢平实，多数都系四人枱或围餐枱，挂有字画同唐卡做装饰。四周既人都食一样嘅菜，细看之下1-4人餐菜单内容一样，大概只有份量不同。上菜速度好快，基本上一坐低就上菜，先饮一碗老火汤，好够火候。几样斋菜，各有千秋，西柠鲜竹入味新鲜，仲有少少摆盘。腰果同菇令甜豆味道更丰富。香菇大大粒，香菇味浓，口感软滑，好食既！春卷鲜炸即上，香脆可口。二人份量每人饮到三碗，只用斋菜煲，老火汤都唔会肥腻。仲有白饭任装，不过只食𩠌饮汤都好够饱。唐卡、字画令餐厅增添惬意。