帝苑餅店

营业中

休息中

平时好少去尖东，但为咗帝苑饼店嘅蛋糕西饼，有时会专登过去。佢嘅芒果拿破仑好出名，但唔系日日有。如果特登想食，最好之前打电话去问。有时当日只有士多啤梨，有时只有杂果。如果啱心意嘅，最好留定去攞，因为好多时候未到黄昏已经卖晒。今次买咗士多啤梨拿破仑、西瓜玫瑰蛋糕、同埋芝麻蝴蝶酥。士多啤梨虽然新鲜，但系始终芒果嘅质感同埋香味衬拿破仑多啲。西瓜玫瑰蛋糕个样好cute，好有玫瑰香。里面大部份系mousse，我唔系咁钟意。芝麻蝴蝶酥多咗啲芝麻香，但系就会略为掩盖咗原味嘅酥皮香，各有各好。