意粉狂熱 (雅蘭中心)

营业中

休息中

因为今晚约好左食大餐, 所以晏昼就到旺角简单食加可以去下莎莎补下D日常化妆品。拣左呢间位置非常方便同 OPENRICE 评价不错的意粉狂热。餐厅名字叫得意粉狂热, 意粉应该系佢地既招牌。所以我地都叫左意粉午餐。一个香草烤鸡杂菌罗勒意粉, 另一个系温泉蛋芝士卡邦尼意粉, 我地都拣饮汤 - 忌廉蘑菇汤。钟意食牛油果既我, 见佢小食有海虾牛油果法包多士, 所以叫左一份。忌廉蘑菇汤 - 好好饮, 真材实料, 啖啖蘑菇香。香草烤鸡杂菌罗勒意粉 - 喜欢食罗勒意粉, 但不常点来吃, 系因为起码会有一半既机会食到香草叶既𠮶阵苦涩味, 唔知究竟系原料既问题定烹调过程出现问题。而意粉狂热既罗勒意粉就系有呢阵苦味。温泉蛋芝士卡邦尼意粉 - 卡邦尼意粉系一道成功率好高既菜色。就系芝士同忌廉既味道。但我认为任何事物都要攞个平衡, 烹饪料理也是。意粉狂热既卡邦尼意粉味道太浓, 个汁煮得过份浓稠。只系食左两三啖已经有饱滞既感觉, 唔想再食落去。海虾牛油果法包多士 - 食材和酱料多到满泻, 虽然系咁, 但都无浸腍到块多士, 多士仍然香脆。 虽然餐厅名字叫意粉狂热，但意粉质素并唔太好反而其他食物有惊喜。