愛群快餐店 (已結業)

初次黎到顺利邨，如果唔系去附近体育馆玩攀石真系唔会系度出现。入到邨估唔到都几多选择，论门面，呢间爱群快餐店绝对唔算好吸引，但听住附近朋友讲佢由细食到大，而我又想快快食完过体育馆，就即管试试佢。入到去，见大部分食客都应该系住系呢个邨嘅公公婆婆，同收银姐姐都有倾有讲，感觉都颇有人情味。快餐店嘅格局同铺面一致，真系几怀旧，枱櫈都系fix死系地下果种。先去收银姐姐度买飞，再过bar个边拎餐。呢晚我叫左香茅鸡扒扎肉蛋饭!佢出餐都算快，仲有例汤送添~~想讲个饭比我想像中吸引，块鸡扒有相你睇几大块，啲炸蒜同油葱捞埋饭好食! 我谂系因为啲炸蒜都够脆，淋左真系会想喊，所以佢呢个ok! 讲真我好少食有埋扎肉呢个combination，所以再加埋煎蛋感觉几丰富!总括黎讲佢系超出左我预期嘅，快靓正! 佢将会系我每次去攀石嘅饭堂。