Gioia Charcoal Grill & Oyster Bar (已結業)

今晚放工同同事去港岛线尾站坚尼地城果边揾野食，行左去近海旁的GioiaCharcoal Grill & Oyster Bar。唔难揾，地铁站B出口向左手边行，转右过斑马线再直行，餐厅就系左手边，都算方便。餐厅采用落地玻璃，环境细细，灯光较沉，播放柔和音乐，是典型的西餐Setting.我点左个精选晚餐~前菜系焗芝士流心大伞菇~菇的卖相好靓，面头一大片芝士，切开亦真系流心，焗得好入味，配埋D沙律菜，好特别的一个前菜。餐汤拣左黑松露野菌忌廉汤，黑松露味超浓，但忌廉味又唔会太浓太腻，恰到好处。主菜拣左C︰慢煮美国黑醋牛仔肋骨，上台时已经切好哂，方便食，而且份量多，牛仔骨厚身，但煮得好淋好入味，个汁有别一般的蕃茄汁，而选用左健康的黑醋汁，加埋伴碟的蔬菜和薯蓉，超饱，所以就无饮餐饮。