影片
更多
2022-07-24
1168 浏览
今日十一点去，叫左4样，咸水角，皮蛋肉片粥，炸两，灌汤饺咸水角，都算有啲暖，唔多油，皮厚馅小，系呢间垃圾茶楼出品黎讲算还好。炸两， 个肠粉皮系几薄，食落冻冰冰， 我以为系哈根大师新出嘅肠粉味雪条； 貌似开档卷定，有单拎去叮翻热都懒。 我终于知个炸两似咩， 佢似元朗糖水舖𠮶啲芒果河粉𠮶啲河粉， 佢应该包芒果唔系包油炸鬼成件事就fit晒。皮蛋肉片粥， 你当系街市熟食档十蚊一碗嘅皮蛋瘦肉粥你就会觉得佢系正常， 起码佢应该仲有叮热过。 系上菜𠮶个姐姐落劲多胡椒粉🤣🤣灌汤饺， 入边啲免治猪肉，虾应用咗好多食粉， 成嚿嘢食落去都唔知食咗啲咩。 师傅可以考虑下向分子料理界发展。咁我同个好肥嘅阿姐讲话碟炸两冻冰冰食唔到可唔可以帮我拎去叮， 佢就应覆我一系取消一系换嘢，厨房好忙唔得闲帮你叮。你地做单唔系咁求其就唔洗换喇。，ok我咪取消佢啰， 我都同佢好清晰好大声咁重复咗三次呢个系单叫， 冇跟任何套餐呀冇做乜孖宝之类。 佢都系活在自己世界冇听到我讲咩，仲要问我第四次。 去到第四我已经有啲燥，我同佢讲已经重复咗第四次啦。 最后我都系要揾第二个 楼面帮我double confirm 多一次有冇取消个炸两先解决
咸水角，都算有啲暖，唔多油，皮厚馅小，系呢间垃圾茶楼出品黎讲算还好。
炸两， 个肠粉皮系几薄，食落冻冰冰， 我以为系哈根大师新出嘅肠粉味雪条； 貌似开档卷定，有单拎去叮翻热都懒。 我终于知个炸两似咩， 佢似元朗糖水舖𠮶啲芒果河粉𠮶啲河粉， 佢应该包芒果唔系包油炸鬼成件事就fit晒。
皮蛋肉片粥， 你当系街市熟食档十蚊一碗嘅皮蛋瘦肉粥你就会觉得佢系正常， 起码佢应该仲有叮热过。 系上菜𠮶个姐姐落劲多胡椒粉🤣🤣
灌汤饺， 入边啲免治猪肉，虾应用咗好多食粉， 成嚿嘢食落去都唔知食咗啲咩。 师傅可以考虑下向分子料理界发展。
咁我同个好肥嘅阿姐讲话碟炸两冻冰冰食唔到可唔可以帮我拎去叮， 佢就应覆我一系取消一系换嘢，厨房好忙唔得闲帮你叮。你地做单唔系咁求其就唔洗换喇。，
ok我咪取消佢啰， 我都同佢好清晰好大声咁重复咗三次呢个系单叫， 冇跟任何套餐呀冇做乜孖宝之类。
佢都系活在自己世界冇听到我讲咩，仲要问我第四次。 去到第四我已经有啲燥，我同佢讲已经重复咗第四次啦。 最后我都系要揾第二个 楼面帮我double confirm 多一次有冇取消个炸两先解决到件事。其实有冇心听个客讲？
其实呢间茶楼的点心咁难食，我都谂紧佢系拎大陆嘅急冻货定系自己整。 就算拎大陆货应该系再好食啲， 其实佢系咪社区中心𠮶啲师奶点心兴趣班整出嚟。
其实你晚市做到 一星期七日都七折， 食完你早茶嘅质素都知唔会对你晚市有任何期望。 脚踏实地啲做好食物质素好过做折扣。加油丫老板你要养活好多伙计。
张贴