波士BB

营业中

休息中

两个人少少口痕，最啱就系去旺角中心度过下口瘾，去到呢间舖头就俾佢五花八门嘅餐单所吸引。叫咗一份迷你安格斯牛堡、迷你翠玉瓜堡、加$20多份BBQ薯条，仲配埋雪梨梳打。虽然系迷你汉堡，但系都好足料㗎，中间𠮶个牛肉都够晒Juicy，相当厚身。BBQ薯条唔会太油腻，而且够晒邪恶。雪梨梳打清凉又清甜。亦都额外叫咗杯红肉火龙果香蕉汁，饮落去全部都系天然嘅水果香味，健康之余仲可以帮助排毒。除咗有煎炸小食之外，更加有药膳嘅鸡翼、蛋蛋同埋鲜虾！价钱中规中矩，今次叫咗一份鸡翼，药膳味道都几浓。佢有个独家推出嘅暴走杯，一路饮嘢一路食嘢拎得非常方便，下次一定要试一试！