影片
更多
2011-09-07
215 浏览
今日同妈咪庆祝生日，专程系流浮山欢乐订咗张枱食海鲜。一坐低，便送上酸萝卜同皮蛋，酸萝卜爽脆，但系碟皮蛋就有d怪味，应该系坏咗，不过𠮶待应好快就换过碟，抵赞首先，紧系黎𠮶汤先啦，系鲍鱼响螺炖花胶，因为制作需时，如果系平日黎，一定要预早一日订，否则炖唔切；因为我好钟意饮呢𠮶汤，虽然今晚只得四个人，所以我都叫咗𠮶加大汤渣好多，好足料，数一数，鲍鱼仔都有十几只，仲有四只特别大只，真系要多谢老板B哥特别关照，花胶亦特别厚身，有咬感，好胶，好味道；但系埋单时，发觉𠮶汤要$1680 (唔加大就$1380)，好贵所以觉得唔多欢乐 (唔知有冇记错，以前饮开都好似唔驶$1000)白灼花甲，好鲜味，四个人食，唔系好多，$128。跟著主角出场啦，黄油蟹；今日呢两只，唔系好大只，约八两一只，但系就非常”黄油”，成只都系膏，只可惜有只有少少漏油，导致入面d膏，有点儿过熟，否则应该更好食，，每只$680，价钱合理果皮蒸大连六头鲍，冇秤过，唔知是否真系六头，但size都唔细，质感唔错，但总系觉得南非鲍会比较鲜味，四只共$392，唔算平。清蒸黄皮老虎斑，一斤二两，$468，$26一两，唔算贵，老板仲话一定系海鱼，唔会系
一坐低，便送上酸萝卜同皮蛋，酸萝卜爽脆，但系碟皮蛋就有d怪味，应该系坏咗，不过𠮶待应好快就换过碟，抵赞
首先，紧系黎𠮶汤先啦，系鲍鱼响螺炖花胶，因为制作需时，如果系平日黎，一定要预早一日订，否则炖唔切；因为我好钟意饮呢𠮶汤，虽然今晚只得四个人，所以我都叫咗𠮶加大汤渣好多，好足料，数一数，鲍鱼仔都有十几只，仲有四只特别大只，真系要多谢老板B哥特别关照，花胶亦特别厚身，有咬感，好胶，好味道；但系埋单时，发觉𠮶汤要$1680 (唔加大就$1380)，好贵所以觉得唔多欢乐 (唔知有冇记错，以前饮开都好似唔驶$1000)
白灼花甲，好鲜味，四个人食，唔系好多，$128。
跟著主角出场啦，黄油蟹；今日呢两只，唔系好大只，约八两一只，但系就非常”黄油”，成只都系膏，只可惜有只有少少漏油，导致入面d膏，有点儿过熟，否则应该更好食，，每只$680，价钱合理
果皮蒸大连六头鲍，冇秤过，唔知是否真系六头，但size都唔细，质感唔错，但总系觉得南非鲍会比较鲜味，四只共$392，唔算平。
清蒸黄皮老虎斑，一斤二两，$468，$26一两，唔算贵，老板仲话一定系海鱼，唔会系养鱼，不过我都唔识；不过条鱼的确滑身，应该系海鱼，但我就始终比较钟意东星多d，肉身比较晶莹剔透，哈哈。
最后，就系招牌菜之一，柱皇酱汁焗龙虾，平时我比较钟意用大花虾，唔用龙虾，因为大花虾嘅肉身，绝对唔会差过龙虾，一样爽甜弹牙，而且仲多肉过龙虾，绝对抵食过龙虾，只不过今晚老板话大花虾已经卖哂，剩番d鬼虾，睇落都好大只，不过老板话鬼虾一定冇大花虾咁好食，所以叫我哋食龙虾，$1122，唔算平，但可接受，鬼叫我特别钟意食呢个柱皇酱汁咩，呢个汁捞埋𠮶炒面底，简直系人间极品，专程走黎流浮山，就系要食呢个炒面，一来够香口惹味，二来又有d虾嘅鲜味，水准依然，非常正。
加多碟虾酱炒通菜，完成今晚嘅饭局。原本想食炸子鸡，但系唔记得订，所以卖哂，冇得食又系招牌菜之一，皮脆肉嫩，水准之作；仲有个食神炒饭，又系招牌菜之一，好多朋友已经介绍过，不用多说，最精彩嘅就系果d铺系饭面嘅蟹子，简直可以话，起咗”画龙点睛”之效，令呢个炒饭，更加出神入化，不过今晚实在太饱了，容不下这个食神炒饭。
如果黎食饭，炖汤同炸子鸡，一定要订，否则多数会售罄。
埋单总数$5280，平均每人$1320，虽然每人食咗半只黄油蟹，但系都觉得贵；其实贵在𠮶汤，减去汤$1680和黄油蟹$1360，每人平均伍百几，比较合理
张贴
