露面手工拌麵料理

今晚放工后，在湾仔见到一间手工拌面小店，见到有面食套餐，又有饺子小食，便入座试下。<蕃茄牛腩拌面套餐 $89>蕃茄牛腩面味道非常之香浓，每一件嘅牛腩都非常之厚，而且仲好多肉，牛腩嘅份量，令人觉得非常惊喜。佢哋嘅秘制蕃茄酱汁，配埋招牌阔身面，真系非常好食，值得推荐！！～加$18野生松茸鲜鸡汤，鸡汤非常足料，有啖啖鸡肉喺碗汤入面，入口清甜。小食叫咗麻辣云耳，麻辣味道非常出众，入口惹味又好食。<牛骨饺子面套餐 $88>套餐配有牛骨拉面，拉面用上幼身面底，面质非常幼滑，牛骨汤底配有几块白萝卜，汤底清甜，而牛骨嘅肉亦都够淋身，好味!白菜猪肉饺只只都非常晶莹，饀多皮薄，只只都包得胀卜卜。呢个套餐仲包埋一碗热辣辣嘅炖蛋，作为甜品，入口又滑又嫩，非常好食。另外加$16叫咗杯白桃乌龙牛乳茶，带有白桃味嘅奶茶入口清新微甜，非常特别。整体来讲，餐厅嘅食物质素非常之好，而且价格唔算贵，面条同饺子嘅质素亦都非常好，值得推荐。