牛極 (樂聲大廈)

营业中

休息中

今日想快快手手食个简单午餐，又一支公系铜锣湾怡和街附近，就黎呢间牛极食块扒。牛柳 $110叫左一块牛柳。上枱既时候牛柳外面就熟左，入面就未熟，自己切细再系块热石板上加热到自己钟意既生熟程度就可以食。牛柳肉质唔肥，又好淋，唔错唔错。需要其他调味料就自己攞。一如以往，同其他牛极分店一样，沙律，汤同白饭系任饮任食，系自助既。餐具同水都系自助。沙律主要系生菜，车厘茄，同粟米粒，沙律酱有柚子酱同芝麻酱拣。汤系日式牛肉汤。白饭任装。