牛舞日本燒肉‧涮涮鍋放題 (利舞臺廣場)

营业中

休息中

呢排好想食放题又想打边炉，就嚟咗铜锣湾嘅呢一间牛舞满足下食肉嘅欲望👍🏻呢一个日本和牛萨摩放题套餐真系够晒丰富豪华！超级多款食物可以俾我哋拣，望到个Menu都眼花！头盘满满嘅牛肉摆咗喺上面，每一款脂肪比例厚薄都各有不同，入面嘅种类都多到数唔晒，其中有特上西冷牛牛后腿、牛肩胛、牛背赤肉、牛胸腹肉等等，真系够晒讲究👍🏻任食牛肉嘅选择都好多，我好钟意食佢哋嘅萨摩牛和牛粒，细细粒咁样摆落口，食到阵阵牛肉香。烧肉嘅萨摩牛🥩真系好正，肉质鲜嫩，入口即溶。萨摩牛𠮶种脂肪分布得好均匀，烧得啱啱好嘅时候，啖啖肉都系咁滑咁腍，真系一试难忘。仲有牛粒🍖，啲肉粒烧得啱啱好，外皮烤得微微焦香，但入面嘅肉仲保持住啲嫩滑，咬落去啲肉汁喺口腔里面流动，夹埋啲香料调味，味道简直系对味蕾嘅一场飨宴。食完之后仲会令人回味无穷，成日谂住要再去食多次。真心推介比大家，下次去食烧肉嘅时候，记得要试吓萨摩牛同埋牛粒，绝对唔会令你失望嘅！😋其中有几款嘅牛肉造型仲好靓呀，成朵玫瑰花！甲罗烧烧到阵阵香味扑鼻，超级邪恶又满足！套餐重要包埋自助吧，喺呢度见到我好想食嘅椒盐烧卖👍🏻仲有啲香芋丸、炸春卷等等都香脆呀。