夢の丼 (已結業)

朋友约出去西营盘食野,系网上揾左好几间餐厅,最终见到呢间的鱼生饭好吸引,所以决定试一试.平日晚上唔算太多人,唔洗等就即刻有枱.好多款鱼生饭都好吸引,花多眼乱,拣左好耐先决定食二重亲子丼,而朋友就叫左招牌的梦之丼，再另加个西京烧比目鱼。西京烧比目鱼鱼肉好嫩滑，鱼皮烧得香脆。只系烧汁比较甜味重，有啲盖过左比目鱼本身的味道。每个丼都有跟个面豉汤同沙律。面豉汤落左萝卜同蚬肉煮成，唔太咸仲带有萝卜的甜味，唔错~二重亲子丼同menu上个样一样，放得满满的材料睇见已经好吸引三文鱼子好鲜甜，三文鱼蓉有火灸过，带焦香味。我第一次食黄金蟹子，觉得比一般蟹籽的咸味同鲜味更重，口感更爽脆松叶蟹肉有淡淡的蟹鲜味。个人觉得蟹膏豆腐有惊喜，香浓的蟹膏配嫩滑的豆腐，简单配上饭食已好好味!另外值得一提系佢地的饭唔系普通的寿司饭，而系自家制的赤醋饭，味道比白醋饭更有丰润的感觉。梦之丼朋友个梦之丼材料超丰盛。除左二重亲子丼都有的三文鱼蓉，三文鱼籽，松叶蟹外，仲有帆立贝，牡丹虾同右口鱼边。另外呢个丼仲配左杯橙醋，食前饮啲醋开胃，仲可以挤啲橙汁落帆立贝上，增加鲜甜味。不过建议唔好挤太多，因为橙味会盖过帆立贝的味道。