Takka Fusion Japanese Cuisine (已結業)

喺西贡行左全日山又攰又饿，当然急不及待出返市中心揾食。晚饭时间好多餐厅都full哂，好在呢间仲有位就直接入左去啦！我地两人分别点左寿司拼盘同埋牛肉寿喜烧，套餐包埋杂菜沙律同埋面豉汤。寿喜烧牛肉同配菜份量都几多，有豆腐同好多杂菜，牛肉都起码有四、五大片。汤底好浓郁但有啲啲偏咸，作为重口味人士既我地都接受到。加钱可以将本身跟餐的白饭转配乌冬，乌冬放汤好吸味，同寿喜烧是绝配。寿司拼盘好丰富，共有八件寿司再加刺身，旁边仲有新鲜既沙律菜，加左酸醋汁特别醒胃。寿司同刺身质素都正正常常，起码够新鲜同埋啲肉唔霉先。店员服务有礼，会好主动帮我地添茶。之前喺附近做野都试过呢间既午市餐牌，价钱再比晚市平啲同抵食啲，所以每次当我喺西贡想食日本野既时候都会揾返呢间！