意味館 (已結業)

一行4人再次踏上单车精灵训练员之路(虽然无乜人玩)。当然要医医肚先啦免得饿死街头。食返食开嘅依间嘢。话今次坐喺出面啲枱扮文青㖞。睇你扮得几耐格仔枱布好有野餐feel。叫咗依个brunch set。卖相不错。薯角。新鲜炸起正。个蛋唔够滑炒得比较干身。菇。有菇味。司华力肠烟肉三文鱼牛角包正常份量唔算太多。另外叫咗个瑞士汁香茅猪扒饭。本身唔够汁啰要request。个汁甜甜哋但唔算太瑞士。猪扒都煎得香同juicy嘅但略嫌肥。不过份量够大。有两大块猪扒餐饮都系𠮶啲啦。奶茶都不错的。依间餐厅嘅午餐都有十几样选择。食物质素都ok。价钱都唔贵。算系咁。