The Stadium (已結業)

之前食依间觉得唔错，估唔到最近执咗，唯有到观塘嘅时候睇下佢。我哋个阵想食下西餐，喺铜锣湾行行下买嘢饮就见到依间楼上舖，朋友话观塘个间佢食过都唔错，我哋就上咗去试试。点咗酒先，我嗌咗deadman，朋友嗌咗调酒，两个都几满意，特别我个杯都系我最喜欢嘅酸酸甜甜，好快就饮完。nacho，有三款酱三款都好食，仲有墨西哥辣椒，唔同颜色嘅nacho上面有融咗嘅芝士，香脆可口。烧春鸡都几香，皮烧得微脆，肉嫩，配菜都丰富，除咗有薯角之外仲有烧茄子同瓜类，十分有诚意。最后系依个牛面颊肉，酱汁惹味香浓，面颊肉口感独特，略为有少少干，咬落有好重嘅胶质同肉香。