第一腸粉專賣店

营业中

休息中

今日经过太子，记得依度附近有间食肠粉好出名嘅，所以第一时间去试， 间肠粉店叫第一肠粉店，入去叫咗叉烧肠粉，鸭丝肠粉仲有佢哋𠮶个招牌鸭肾菜干粥， 一只咸肉粽配粥，同埋都试食𠮶个金针云耳蒸鸡饭。 我觉得个鸭丝肠粉最好味，估唔到仲好味过叉烧肠粉，原来鸭丝都好衬肠粉，个口感一流。另外，我亦都好钟意𠮶个鸭肾菜干猪骨粥，佢啲鸭肾系切碎晒所以唔怕话咬吾开。同埋佢入面有嚿咸猪骨，所以唔使落胡椒粉都好正好够味。同埋菜干可以下火，所以下次嚟一定会再叫呢个粽种就一般咸肉粽，叉烧肠亦都ok只不过我觉得鸭丝肠粉比较好食，而𠮶个金针云耳蒸鸡饭亦都好正，不过个饭就唔系太大。 总括嚟讲都好抵食，因为每样嘢都系20几30蚊左右，叫咗五样嘢加埋饮品都系150蚊左右。所以钟意食肠粉嘅朋友，记得去试。