C.K. Bistro (已結業)

一入到去环境好舒服，餐厅既设计令你有充足既空间感，枱同枱之间都有一定既距离，唔会好压迫。试咗头盘，汤，主菜同甜品：头盘食咗个吞拿鱼肉，初头会以为好生，但食落去又几新鲜，口感唔错，佢唔会话太生，加埋碟上面既菜同少少芝麻，除咗有卖相之外，食落去都好有鲜味。而主菜试咗个期间限定既菜式，表面上似意大利面(可睇相)，但系佢由大蘑菇、带子同用面条整成既饭粒既形状而成，上面仲有少少牛油果粒，够晒健康。食落几有惊喜，唔会话好腻，蘑菇同带子亦都唔系太熟，淋淋地几易入口。甜品就试咗个cheese cake，上面有少少生果，卖相不错，食落去都唔会话好甜，甜度适中。最后想另外赞下个洗手间，厕所有设计过去配合返个餐厅设计，同埋好卫生好干净。