Chocolate Rain Forest (已結業)

趁阿女学校假期，带佢去咗呢间新开嘅餐厅，谂住有得食下嘢同玩下。但整体经验麻麻，叫做去过就算，无下次。第一，玩嘅嘢种类唔多，得两个充气弹床，分别只系一个弹床有波波，另一个无。成个玩嘅时段系2小时，本身我个女都劲钟意跳弹床，但跳咗大约1个钟已经想走，因为再无新鲜感。第二，食物叫咗好耐先上。坐落我先叫咗英式茶，跟住问侍应咁食物会几时上？佢话准备中，咁我问茶点其实有乜嘢食，佢答唔出，话通常有一款系雪榚，有啲甜点。其实等如无答过。好啦，咁我同阿女去跳住弹床先。到过咗入坐时间大约80分钟，终于嚟嘢食。但我想话啲嘢食好似儿童餐咁少，大部分系冻嘅，咁我又唔明点解要用80分钟去准备。而且味道真系非常一般，好似中学家政堂嘅水准。以$180得到咁嘅服务同食物，感觉系俾人揾咗笨。